Saturday, July 14, 2018

ലൈബ്രറി കൗൺസിൽ ക്വിസ് മത്സരം

ലൈബ്രറി കൗൺസിൽ ക്വിസ് മത്സരം

പൊന്നാനി: കേരള സംസ്ഥാന ലൈബ്രറി കൗൺസിലിന്റെ ആഭിമുഖ്യത്തിൽ നടക്കുന്ന വായനാ ക്വിസ് സ്കൂൾ തല മത്സരം പള്ളപ്രം എ എം എൽ പി സ്കൂളിൽ നടത്തി. അദീബ് റഷ്ദാൻ സി, നിഷാദ് സി വി, സഫ, അക്സ എന്നിവർ ജേതാക്കളായി. മത്സരത്തിന് വിദ്യാരംഗം കൺവീനർ യു സജ്ന നേതൃത്വം നൽകി.

Sunday, July 8, 2018

വായനാപക്ഷാചരണത്തിൽ പുസ്തക സമ്മാനം

വായനാ പക്ഷാചരണത്തിൽ ഞങ്ങളുടെ പള്ളപ്പുറം എം എൽ പി സ്കൂളിൽ  നടന്ന ക്വിസ് മത്സരത്തിൽ ഒന്നാം സ്ഥാനം ലഭിച്ചതിന് നല്ലൊരു പുസ്തകം സമ്മാനമായി ലഭിച്ചു. ധീരനായ കൊച്ചു തയ്യൽക്കാരൻ എന്ന മലയാള പുസ്തകമാണ് സമ്മാനമായി കിട്ടിയത്. സ്കൂളിലെ മുൻ അധ്യാപികയും കവയത്രിയുമായ ജയശ്രീ ടീച്ചറിൽ നിന്നാണ് ഉപഹാരം ഏറ്റു വാങ്ങിയത്.

Wednesday, February 28, 2018

പുസ്തകയാത്രക്ക് സ്വീകരണം

ചിത്രം -  പളളപ്രം എ എം എൽ പി സ്കൂളിൽ പുസ്തകയാത്ര സ്വീകരണം ഡോ. ചന്ദ്രലേഖ ഉദ്ഘാടനം ചെയ്യുന്നു.

പളളപ്രം എ എം എൽ പി സ്കൂളിൽ പുസ്തകയാത്രക്ക് സ്വീകരണം നൽകി

പൊന്നാനി: പള്ളപ്രം എ എം എൽ പി സ്കൂളിൽ എസ് എസ് എ പുസ്തകയാത്രക്ക് സ്വീകരണം നൽകി. സി ആർ സി കോർഡിനേറ്റർ ഡോ. ചന്ദ്രലേഖ ഉദ്ഘാടനം നിർവ്വഹിച്ചു. എച്ച് എം എം വി റെയ്സി ടീച്ചർ അധ്യക്ഷത വഹിച്ചു. കോയ മാസ്റ്റർ തറോല ക്ലാസ്സെടുത്തു.  പുസ്തക പ്രദർശനം വിദ്യാരംഗം മാസിക പ്രകാശനം മാതൃഭാഷാ ദിനം സംഗമം വായനാക്കുറിപ്പ് അവതരണം എന്നിവ സംഘടിപ്പിച്ചു പുസ്തകാസ്വാദനം മത്സരത്തിൽ മത്സരത്തിൽ നിവേദ്യ, മിൻഹ മുസ്തഫ, ഇന്ന് സാൻ അഹ്മദ് അബൂബക്കർ, അനുശ്രീ, അദീബ് റഷ്ദാൻ  എന്നിവർ ജേതാക്കളായി. ലൂസി ടീച്ചർ, ജൂലിഷ് ടീച്ചർ, ദിപു ജോൺ, സി കെ റഫീഖ്, റിയാസ്, സജ്ന, ഷഹീന പ്രസംഗിച്ചു.

Saturday, October 21, 2017

പൊന്നാനി ഉപജില്ലാ കലോൽസവത്തിന് ലോഗോ ക്ഷണിച്ചു

പൊന്നാനി ഉപജില്ലാ കലോൽസവം: ലോഗോ ക്ഷണിച്ചു

പൊന്നാനി: മുപ്പതാമത് പൊന്നാനി ഉപജില്ലാ സ്കൂൾ കലോൽസവത്തിനായി ഉപജില്ലയിലെ വിദ്യാർഥികളിൽ നിന്ന് ലോഗോ ക്ഷണിച്ചു - രൂപകൽപന ചെയ്ത ലോഗോ 25-ന് 4 മണിക്ക് മുമ്പായി പൊന്നാനി എം - ഐഹയർ സെക്കണ്ടറി സ്കൂളിൽ നേരിട്ടോ, കൺവീനർ പബ്ളിസിറ്റി കമ്മറ്റി, ഉപജില്ല കലോൽസവം, എം.ഐ.എച്ച്.എസ്-എസ്, പി.ഒ-പൊന്നാനി സൗത്ത് 679586 എന്ന വിലാസത്തിലോ ലഭിക്കണം. തെരഞ്ഞെടുക്കപ്പെടുന്ന ലോഗോ ക്ക് സമ്മാനം നൽകുന്നതാണ് -

Tuesday, October 10, 2017

ഔഷധ സസ്യ പ്രദർശനം നടത്തി.

പൊന്നാനി പള്ളപ്രം എ എം എൽ പി സ്കൂളിൽ സയൻസ് ക്ലബ്ബിന്റെ ആഭിമുഖ്യത്തിൽ നടന്ന ഓഷധസസ്യ പ്രദർശനം

ശാസ്ത്ര മേള; പള്ളപ്രം സ്കൂളിൽ ഔഷധസസ്യ പ്രദർശനം നടത്തി
പൊന്നാനി: ശാസ്ത്രോത്സവത്തിന്റെ ഭാഗമായി പള്ളപ്രം എ എം എൽ പി സ്കൂളിൽ ഔഷധസസ്യ പ്രദർശനം നടത്തി. ക്ലാസ് തലത്തിൽ വിദ്യാർത്ഥികൾ ശേഖരിച്ച ഔഷധച്ചെടികളാണ് പ്രദർശനത്തിലൂടെ വിദ്യാർത്ഥികൾക്ക് പരിചയപ്പെടുത്തിയത്. പ്രധാനാധ്യാപിക എം വി റെയ്സി ഉദ്ഘാടനം ചെയ്തു. ജൂലിഷ് ടീച്ചർ ഔഷധ സസ്യങ്ങൾ പരിചയപ്പെടുത്തി. നിത ജോയ്, സയൻസ് ക്ലബ്ബ് കൺവീനർ ബൈജു, കെ വി അഫിയ നേതൃത്വം നൽകി.

Friday, July 21, 2017

ചങ്ങാതി മാമൻ ( കവിത)

കവിത
ചങ്ങാതി മാമൻ

അമ്പിളിമാമാ ചങ്ങാതീ
താഴത്ത് നോക്കി ഇരിപ്പാണോ
ഞങ്ങളെ നോക്കി ചിരിക്കുന്നോ
ഞങ്ങടെ കൂടെ നടക്കുന്നോ


അമ്പിളിമാമാ ചങ്ങാതീ
മാനത്ത് നിന്ന് ചിരിക്കുന്നോ
പകല് നിന്നെ കണ്ടില്ലാ
രാത്രിയായപ്പോ നീ വന്നു.


അമ്പിളിമാമാ ചങ്ങാതീ
മേഘത്തിനുള്ളിലിരിപ്പാണോ
അമ്പിളിമാമാ ചങ്ങാതീ
ഭൂമിയെ ചുറ്റി നടപ്പാണോ

- അദീബ് റഷ്ദാൻ.സി പുതുപൊന്നാനി
3 എ, എ എം എൽ പി സ്കൂൾ പള്ളപ്രം, പൊന്നാനി.
പൊന്നാനി-679577